Со задоволство информираме дека е објавена студијата „Проценка на ефикасноста на јавната потрошувачка на Република Северна Македонија“, која нуди сеопфатна анализа на фискалната политика и нејзините ефекти врз економската активност.

Студијата е изработена за потребите на Фискалниот совет на Република Северна Македонија, врз основа на Меморандумите за соработка помеѓу Фискалниот совет и Центарот за стратегиски истражувања „Ксенте Богоев“ при МАНУ, Економскиот факултет – Скопје при УКИМ и Факултетот за економија и бизнис при ЈИЕУ – Тетово.

Во фокусот на истражувањето се фискалните мултипликатори како клучен индикатор за ефикасноста на јавната потрошувачка, со посебен осврт на:
– ефектите од капиталните расходи врз економскиот раст;
– влијанието на субвенциите во земјоделството врз производството и БДП;
– односот помеѓу јавната потрошувачка и економската активност;
– одржливоста на јавниот долг и фискалната политика.

Студијата дава и компаративен осврт со меѓународни искуства, како и конкретни препораки за креаторите на политики во насока на поефикасно управување со јавните финансии.

Линк до публикацијата.